琴晚落街屙尿，見到幾幕有趣畫面
當有裝修工人幫緊Starbucks裝修緊時侯，身邊企咗一班保安同清潔姐姐
佢地眼神非常嚴肅、一言不發、臉色沉重咁望住人地裝修
我以為會唔會爆發衝突嘅時侯，裝修工人都同時完成佢地工程而退場
我再望望班保安同清潔姐姐，佢地臉容即時變得鬆容
然後保安叔叔指揮同事大叫：「到我地，做嘢。」
保安們即時拉起封鎖線，將Starbucks包圍，禁止外人進入
而清潔姐姐即時將超出店鋪範圍嘅垃圾同玻璃清走
完成後，佢地列隊繼續Standy by，非常專業。
而街坊們繼續聚集唱歌，表示唔好阻住哥哥做嘢，和理勇武連成一線。
亦見到兩間店鋪同時落緊閘收工，其中一間擺明就係會被裝修嘅目標。
唔洗裝修嘅店鋪員工對住隔離鋪員工笑說：「不如轉工過嚟做喇。」
隔離鋪員工笑住回應：「係咪先，聽日嚟見工呀。」
街坊們即時拍手歡呼：「轉工！轉工！轉工！」
可能大家對於近期某啲店鋪被裝修有唔同睇法
其實呢啲叫民怨，所謂嘅民怨就係對政府管治怨恨去到一個極點
有份打壓同涉及利益輸送嘅店鋪自然受當其衝，都唔難去理解。
而且手足裝修店鋪都係有目標同有原因地做嘢，而唔係好似大家所諗嘅無差別
好多人話要對準政權，大佬，民怨係要消下氣架，係要抒發架
咪比啲時間再觀察下
好多人成日都將一、兩日發生嘅事變成恆常
見到有人獅鳥就指責係咪以後都無差別打人
見到有人裝修就指責係咪以後都無差別裝修
(不知教訓或繼續打壓嘅就另計，例如黨鐵呢啲垃圾)
但結果，都唔係大家想像咁，我亦都相信呢類民怨發洩同教訓完，自然會轉向另一個模式
絕對唔會成為敵人口中嘅 「失去理性嘅暴徒」
如果我地都咁諗，就好易墜入敵人圈套，亦陷我地手足於不義
所以大家凡事都要比時間觀察
唔好亂加意見、指責而令前線或手足加添額外負擔去說服自己友
可能你會問我點解可以咁肯定事情唔會變得咁壞?
因為我相信手足，更加相信我地香港人。
同拍拖一樣，你唔相信伴侶，佢做咩都會令你起疑
你相信伴侶嘅，佢同異性出街食飯睇戲，你都唔會擔心
最重要嘅係
希望大家唔好再討論呢啲了
我地面對緊嘅係 「緊急法」、「琴晚休班警開槍射14歲學生」、「開槍射殺中五學生」
唔好被敵人將呢類重要事情轉移視線。
最後加句
唔好將連登睇得咁重要，要有獨立判斷，自己認為正確嘅事就去做
連登已經被五毛風向撚充斥住，如果我地將連登意見睇成重要或指令
咁係非常危險
惡法正式成立底下
我地唔可以習慣同麻木
要比政府知道，成立惡法，香港人唔會放過佢地
Search